close
第18課:蒸鯪魚球、煎釀三寶(醬汁)、煎魚餅、炸鮮竹卷、上湯餵鮮竹卷、蛋撻仔、薑汁燉蛋
蒸鯪魚球:由原條鯪魚開始,自己打鯪魚球,撻魚膠,好有質感,唔膩,唔腥。原來出面買嘅鯪魚肉加咗好多水和雜質
煎釀三寶和煎魚餅,主要學個醬汁。由於個魚滑自己打,所以點都好味,而且對火爐嘅控制我地都掌握到,今次係第三次學醬汁,之前學咗叉燒芡和鳳爪嘅醬;廣東點心嘅醬汁真係媲美法國醬汁,層次分明,令普通嘅食物得到提升。而呢啲醬汁本身有多種配搭,可以配上唔同嘅食物。
鮮竹卷,去茶樓我係唔會叫鮮竹卷,因覺得無咩特別。原來係酒樓整得唔好食咋大埔樹記腐竹(我買嘅)因為新鮮,所以阿sir教用嚟炸,就會脆而出到鮮腐竹香;之前係旺角買個啲腐竹唔靚,阿sir就教炸完用上湯餵,物盡其用,令唔同嘅食材都可以發揮。係從前香港飲食嘅特質。
蛋撻仔,係好食,不過我唔太喜歡食西式甜點
再嚟薑汁燉蛋,好味
#點心班第十八課
文章標籤
全站熱搜
留言列表